ដូចជាជ្រុលពេកហើយលោកគ្រូ! ខឹងកូនសិស្សភ្លេចធ្វើ homework គ្រូបង្ខំឲ្យលិទ្ធបង្គន់ដ៏កខ្វក់ ១២ ដង
អ្នកលេងអ៊ីនធើរណេត ពិតជាមានការភ្ញាក់ផ្អើល និងរន្ធត់ចិត្តជាខ្លាំង នៅពេលដឹងថា សិស្សប្រុសបឋមសិក្សាម្នាក់ នៅក្នុងប្រទេសឥណ្ឌូនេស៊ី ត្រូវបានគ្រូបង្ខំឲ្យលិទ្ធបង្គន់ចំនួន ១២ ដង ជាការទណ្ឌកម្ម បន្ទាប់ខកខានពុំបានធ្វើកិច្ចការសាលា (homework) ។
ទង្វើដាក់ទណ្ឌកម្មដ៏សាហាវនេះ បានកើតឡើងនៅឯសាលាបឋមសិក្សារដ្ឋ Cempedak Lobang នៅក្នុងស្រុក Serdang Bedagai ស្ថិតនៅភាគខាងជើងខេត្ត Sumatra ។
បន្ទាប់ពីបានដឹងអំពីហេតុការណ៍ ឪពុករបស់ក្មេងប្រុសនោះ បានផ្ទុះកំហឹង និងទៅកាន់សាលារៀនភ្លាមៗ ដើម្បីរកខុសត្រូវឲ្យកូនប្រុសរបស់គាត់ ប៉ុន្តែ បានដឹងថា គ្រូនោះគ្រាន់ទទួលនូវការស្តីបន្ទោសប៉ុណ្ណោះ ។
ម្តាយរបស់ក្មេងប្រុសនេះ បាននិយាយថា៖ «កូនប្រុសរបស់ខ្ញុំបានប្រាប់ថា វាបានលិទ្ធបង្គន់ចំនួន ១២ ដង ។ ប៉ុន្តែ ក្រោយមក លិទ្ធ ៤ ដងទៀត ជាហេតុធ្វើឲ្យក្អួតតែម្តង ។ ខ្ញុំពិតជារន្ធត់ចិត្តខ្លាំងណាស់ តើគ្មានការដាក់ពិន័យអ្វីក្រៅពីនេះមែនទេ?»
ម្តាយរូបនោះក៏បានឲ្យដឹងទៀតថា នាងនឹងយល់ស្រប ប្រសិនបើកូនប្រុសរបស់នាងត្រូវបានស្នើឲ្យសម្អាតបង្គន់ ប៉ុន្តែ ជម្រើសនៃទង្វើវិន័យរបស់គ្រូនេះ គឺពិតជាសាហាវខ្លាំងណាស់ ពុំអាចទទួលយកបានឡើយ ។
Joni Walker Manik ប្រធានក្រុមប្រឹក្សាភិបាលអប់រំប្រចាំតំបន់ Serigei Bedagai បានបញ្ជាក់ថា ការដាក់ទណ្ឌកម្មនេះបានកើតឡើងពិតមែន ហើយគ្រូនោះក៏ត្រូវបានផ្ទេរទៅកាន់សាលាផ្សេងផងដែរ ៕
Comments
Post a Comment