គង់ ចាន់ស្រីមុំ រៀនបីកូនឲ្យហើយព្រោះថាជិតដល់វេនខ្លួនឯងហើយ ពេលទៅមើលកូនលោក ជា វណ្ណារិទ្ធ
តារាសម្ដែងស្រីដ៏ស្រស់ស្អាតអ្នកនាង គង់ ចាន់ស្រីមុំ កំពុងតែរំភើបយ៉ាងខ្លាំង ខណៈកំពុងត្រៀមខ្លួនក្លាយជាម្ដាយដ៏ល្អមួយរូបនាពេលខាងមុខនេះ ក្រោយពរពោះអស់ជាច្រើនខែ។ ជាមួយគ្នានេះ ស្ថិតក្នុងពេលកំពុងមានពរពោះកូនដំបូង នៅថ្ងៃនេះអ្នកនាងគង់ ចាន់ស្រីមុំ និងស្វាមី បានដឹកដៃគ្នាទៅសួរសុខទុក្ខភរិយាលោក ជា វណ្ណារិទ្ធ ក្រោយពីបានទទួលសមាជិកថ្មីឈ្មោះ អូនហ្វែរ។
អ្នកនាង គង់ ចាន់ស្រីមុំ សម្តែងក្តីរំភើប និងបង្ហាញក្តីស្រលាញ់ដល់កូនប្រុសលោក ជា វណ្ណារិទ្ធ ព្រមទាំងបានពរថ្នាក់ថ្នម។ ខណៈដែលខ្លួននឹងទទួលសមាជិកថ្មីនោះ គង់ ចាន់ស្រីមុំ បានសរសេរនៅលើហ្វេសប៊ុកផេករបស់ខ្លួនថា៖”រៀនពរអូន fair អោយហើយ តិចទៀតដល់វេនខ្លួនឯងហើយ។ មុខគេអាក្រក់ណាស់លោកអើយ គួរអោយខ្នាញ់ មីងមុំជូនពរអោយអូនសុខភាពល្អ និងជាកូនឆ្លាតគួរអោយស្រលាញ់សំរាប់ប៉ាម៉ាក់ហ្នឹងណា។ សំខាន់ម៉ាក់ bella រកប៉ាវឯងញាំុបាយនៅពេទ្យទៀតណា”៕
Comments
Post a Comment