ពួកអ្នកភូមិត្រូវបានព្រមានមិនឲ្យយកគោក្របីទៅស៊ីស្មៅក្បែរទីកន្លែងនេះ… បន្ទាប់គោ៣ក្បាលត្រូវបានសត្វកំណាចស៊ីសល់តែគ្រោងឆ្អឹង
មន្ត្រីឧស្យានជាតិ Phu Suansai នៅក្នុងស្រុក Nahaew ខេត្ត Loei ប្រទេសថៃ បានព្រមានពួកអ្នកភូមិ យកគោរក្របីរបស់ពួកគេ ទៅឲ្យស៊ីស្មៅនៅក្បែរឧស្យានដែលប្រឈមនឹងការវាយប្រហាររបស់ខ្លាទៀតទេ បន្ទាប់ពីសត្វគោចំនួន៣ក្បាល ត្រូវបានរកឃើញងាប់នៅក្នុងទីនោះ ។
សត្វគោទាំងនោះ ត្រូវបានគេរាយការណ៍ថា បានបាត់ខ្លួនកាលពីប៉ុន្មានសប្តាហ៍មុននេះ បន្ទាប់ពីម្ចាស់របស់ពួកវា បានដឹកពួកវាទៅឲ្យស៊ីស្មៅនៅវាលស្មៅក្បែរឧស្យានជាតិ ហើយវាក៏បានបាត់ខ្លួន ។
ប្រធានឧស្យានជាតិនេះ លោក Sakhon Nachai និយាយថា មន្ត្រីឧស្យានបានរកឃើញសាកសពសត្វគោចំនួន៣ក្បាល នៅក្នុងឧស្យាន ហើយមានស្លាកស្នាមដែលបង្ហាញថា ពួកវាត្រូវបានវាយប្រហារដោយសត្វខ្លាយ៉ាងតិច៣ក្បាល ។
គាត់បាននិយាយថា ក្រុមមន្ត្រីឧស្យាន និងមន្ត្រីយោធា បានចេញស្វែងរកសត្វគោដែលបានបាត់ខ្លួន ហើយបានរកឃើញសាកសពរបស់ពួកវា នៅក្បែរខ្សែទឹកហូរមួយ ។
គាត់បន្តថា វាត្រូវបានជឿថា សត្វគោដែលបានទៅស៊ីស្មៅ និងស្លឹកប្ញស្សី នៅជិតជើងភ្នំ, ពួកវាត្រូវបានវាយប្រហារដោយខ្លាយ៉ាងតិចចំនួន៣ និងអូសទៅកាន់ខ្សែទឹកហូរនេះតែម្តង ។
មានស្នាមជើងខ្លាជាច្រើន នៅមាត់ទឹក និងសំណល់សាកសពសត្វព្រៃផ្សេងៗជាច្រើនទៀត ដែលក៏បានក្លាយជាចំណីរបស់ខ្លាទាំងនោះផងដែរ ។
គាត់បន្ទាប់មក ស្នើសុំកិច្ចសហប្រតិបត្តិការពីមេភូមិនៅក្នុងតំបន់ជុំវិញឧស្យានជាតិនេះ ដើម្បីផ្តល់ការណែនាំអ្នកភូមិ កុំយកសត្វគោក្របីរបស់ពួកគេ ទៅឲ្យស៊ីស្មៅជិតឧស្យាននេះទៀត ព្រោះវាមិនត្រឹមតែប្រឆាំងនឹងច្បាប់សត្វទេ ប៉ុន្តែ ក៏ប្រឈមនឹងការវាយប្រហារដោយសត្វព្រៃកាចសាហាវផងដែរ ៕
Comments
Post a Comment