ឃោរឃៅណាស់! នារីម្នាក់ត្រូវសង្សាររិតកសម្លាប់នៅក្នុងបន្ទប់េជួលយ៉ាងព្រៃផ្សៃ(មានវីដេអូ)
ភ្នំពេញ ៖ មានហេតុការណ៍ដ៏សាហាវព្រៃផ្សៃមួយបានកើតឡើង នៅព្រឹក ថ្ងៃទី០៧ ខែមីនា ឆ្នាំ២០១៨ នេះ ដែលស្ថិតក្នុងបន្ទប់ជួលមួយកន្លែង ក្នុងភូមិ៣ សង្កាត់ស្ទឹងមានជ័យ៣ ខណ្ឌមានជ័យ ដោយមានករណីឃាតកម្មសម្លាប់នារីជាសង្សាររបស់ខ្លួនក្នុងបន្ទប់ជួល។
បន្ទាប់ពីសម្លាប់សង្សារខ្លួនរួចមក ជនដៃដល់ម្នាក់នេះក៏មិនបានគេចខ្លួនទៅណាឡើយ សុខចិត្តសំងំនៅក្នុងបន្ទប់កើតហេតុខាងលើនោះ។ ក្រោយពេលកម្លាំងសមត្ថកិច្ចទៅដល់ក៏បានឃាត់ខ្លួនបុរសម្នាក់នោះតែម្តង ។ ដោយជនសង្ស័យម្នាក់នេះមានឈ្មេាះថា សែម សែន អាយុ២៣ឆ្នាំ មុខរបរមិនពិតប្រាកដ មានស្រុកកំណើតស្រុកក្រគរ ខេត្តពោធិ៍សាត់។
ក្រោយពេលឃាត់ខ្លួនជនសង្ស័យម្នាក់នេះ គាត់ក៏មិនបាននិយាយស្តីអ្វីទាំងអស់ ហាក់ដូចជាមនុស្សសតិមិនប្រក្រតី។ ចំពោះនារីដែលស្លាប់ខាងលើមានឈ្មោះថា នង ចន្ទ្រា អាយុ២៤ឆ្នាំ ជាកម្មការនីរោងចក្រ មានស្រុកកំណើត ភូមិអាស្ទាំង ឃំុអង្គររាជ ស្រុកព្រះស្តេច ខេត្តព្រៃវែង។
នៅពេលនេះ សមត្ថកិច្ចជំនាញនៅមិនទាន់កំណត់ថា ជនសង្ស័យរូបនេះ បានសម្លាប់នារីជាសង្សារតាមវិធីណា ទ ប៉ុន្តែសាកសព គឺមានសភាពបែកពពុះមាត់ ។ ចំពោះករណីនេះដែរ ត្រូវបានអ្នកជិតខាងឱ្យដឹងថា អ្នកទាំង២ជាសង្សារនឹងគ្នា តែធ្លាប់បែកគ្នាម្តងហើយ ។ ប៉ុន្តែមួយរយៈក្រោយ គេឃើញពួកគេត្រូវរ៉ូវគ្នាវិញ គ្រាន់តែមិនបានស្នាក់នៅក្នុងបន្ទប់ជាមួយគ្នាទេ៕
Comments
Post a Comment