អ្នកនាង​ ខាត់ សុឃីម បានបញ្ចេញសាយ៉ាងមានន័យចាក់ដោត នៅពេលទទួលបានដំណឹងថាប្រទេសឡាវស្នើសុំដាក់ ចង្វាក់រាំវង់ ចូលទៅក្នុងបញ្ជី​សម្បត្តិ​បេតិកភណ្ឌ​ពិភពលោក​..!!

ភ្នំពេញ៖ បន្ទាប់ពីបានទទួលដំណឹងថា ប្រទេសឡាវ កំពុងធ្វើការ ស្នើសុំដាក់ ចង្វាក់រាំវង់ ចូលទៅក្នុងបញ្ជី​សម្បត្តិ​បេតិកភណ្ឌ​ពិភពលោក​  ស្រាប់តែមុននេះ តារាពហុជំនាញល្បីឈ្មោះ អ្នកនាង ខាត់ សុឃីម បានបង្ហោះសារមួយលើគណនិហ្វេសប៊ុកខ្លួន ដែល អត្ថន័យ ចាក់ដោតបេះដូងខ្លាំង តែម្ដង។

ក្នុងនោះ អ្នកនាង ក៏បានសរសេររៀបរាប់ បង្គប់ដោយខ្លឹមសារថា ៖ « សូមថ្លែងអំណរគុណយ៉ាងជ្រាលជ្រៅ ដល់ឡាវ ដែលបានមើលឃើញ នឹង យល់តម្លៃនៃ ចង្វាក់រាំវង់ ហើយបានដាក់បព្ចាូលទៅជាបេតិកភណ្ឌរបស់ខ្លួន ។សង្ឃឹមថា ម្ចាស់ថ្មីនៃ ចង្វាក់រាំវង់ នឹងផ្តល់ភាពយកចិត្តទុកដាក់ ទៅលើរូបអ្នកជារៀងរហូត ។ អ្នកនៅធ្វើអី បើគេមើលមិនឃើញតម្លៃអ្នកផង» ។

គ្រាន់តែអាន សារនេះភ្លាម ក៏មានប្រិយមិត្តជាច្រើន នឹកអាណិត ខ្លោចចិត្ត ស្ទើរស្រក់ទឹកភ្នែក ពីវប្បធម៌ ប្រពៃណីខ្មែរ ដែលមិនត្រូវបាន យុវវ័យយើងមួយចំនួន ហាក់មើលរំលង៕