នេះជាស្ថានភាពរបស់នាយ សានម៉ៅ ក្រោយពេលធ្លាក់ខ្លួនឈឺធ្ងន់រហូតដល់សង្គ្រោះបន្ទាន់នៅកាល់ម៉ែត្រ (មានវីដេអូ)

តារាកំប្លែងជើងចាស់នាយ សានម៉ៅ បានធ្លាក់ខ្លួនឈឺរហូតដល់ចូលពេទ្យសង្គ្រោះបន្ទាន់ និងធ្វើឲ្យមហាជនព្រមទាំងមិត្តរួមអាជីពសម្តែងក្តីព្រួយបារម្ភជាខ្លាំង។ យ៉ាងណាមិញនៅថ្ងៃនេះផងដែរបើយោងតាមហ្វេសប៊ុក សិល្បករកម្ពុជា បានឲ្យដឹងថា ស្ថានភាពជម្ងឺនាយសានម៉ៅ នាពេលនេះត្រូវបានក្រុមគ្រូពេទ្យអនុញ្ញាតឲ្យសម្រាកនៅគេហដ្ឋានហើយ។ ដោយប្រភពដដែលបានធ្វើការរៀបរាប់ថា៖

“អំពីស្ថានភាព នាយ សាន ម៉ៅ នៅមន្ទីរពេទ្យកាល់ម៉ែត្រ នៅព្រឹកនេះ នាយសានម៉ៅ ត្រូវបានក្រុមគ្រូពេទ្យបានអនុញ្ញាតអោយទៅសំរាកនៅផ្ទះហើយ។ ហើយព្រឹកមិញនេះក៏មានវត្តមានចុះសួរសុខទុក្ខពីសំណាក់អតីត ឧកញ៉ា ឃ្លោក ,ឯកឧត្តម កុយ សុីឌឿន និង លោក អុឹម ជីវ៉ា ផងដែរ ។
ក្នុងការចុះសួរសុខទុក្ខនៅព្រឹកនេះក៏មានការឧបត្ថម្ភពីសំណក់សប្បុរសជនរួមមាន
1. ឯកឧត្តម ចាន់ គត្តិខុម និងលោកជំទាវចំនួន 200$
2. ឯកឧត្តម ពេជ្រ កែវមុនីនិងលោកជំទាវ ចំនួន100$
3. លោកឧកញ៉ា ឃ្លោក និងលោកជំទាវ ចំនួន100$
4. ឯកឧត្តម កុយ សុីឌឿន និងលោកជំទាវ ចំនួន 100$”។ សូមបញ្ជាក់ដែរថា នាយសាន ម៉ៅ ធ្លាក់ខ្លួនឈឺមានជំងឺទឹកក្នុងសួតនិងបេះដូង និងជំងឺទឹកនោមផ្អែម៕