ព្រោះតែ រូបកំពុងតែផ្ទុះ ដែលពោរពេញដោយទិដ្ឋភាពសង្វេគ នេះ ទើបធ្វើឲ្យតារាចម្រៀងម្នាក់នេះមិនអាចទប់អារម្មណ៍បានក៏បានបង្ហោះសារមួយ

កញ្ញា លាង សុផាឡែន គឺជាតារាចម្រៀងរស្មីហង្សមាស ដ៏ល្បីមួយរូបផងដែរ ជាមួយរូបសម្រស់គួរឲ្យគយគន់ ហើយកាលពីថ្ងៃទី៥ ខែមីនា ឆ្នាំ២០១៨ កន្លងទៅនេះ គេឃើញក្នុងហ្វេសប៊ុករបស់គាត់ក៏បានបង្ហោះរូបភាពពីរសន្លឹកពីក្មេងម្នាក់ដែលត្រូវរថយន្តបុកដល់ស្លាប់ ខណៈពេលបានបញ្ចូនទៅកាន់មន្ទីរពេទ្យក៏ដោយ ដែលរឿងមួយនេះបានធ្វើឲ្យតារារូបនេះមិនអាចទប់អារម្មណ៍ក៏បានបង្ហោះ និងសរសេរសារមួយថា៖ “ប្រហែលប្អូនតក់ស្លត់ដែលឃើញរូបភាពនេះ រហូតដល់ថ្នាក់គូសរូបនេះឡើង#រតនះ ប្អូនគេប្អូនយើង កូនគេកូនយើង អារម្មណ៍ដូចគ្នា  ហើយក៏អរគុណណាស់ សំរាប់បណ្តាសប្បុរសធម៍ ដែលបានជួយដល់ក្រុមគ្រួសារគាត់

គួររំលឹកឡើងវិញផងដែរថា មានហេតុការណ៍គ្រោះថ្នាក់ចរាចរណ៍ដ៏រន្ធត់មួយបានកើតឡើងកាលពីវេលាម៉ោង១ និង១០នាទីរសៀល ថ្ងៃទី០២ ខែមីនា ឆ្នាំ២០១៨ ស្ថិតនៅតាមបណ្តោយផ្លូវជាតិលេខ៥ មុខឃ្លាំងសាំងសូគីមិច ដួង សង្កាត់ព្រែកព្នៅ ខណ្ឌព្រែកព្នៅ ដោយក្មេងស្រីដើររើសអេតចាយម្នាក់អាយុ៧ឆ្នាំ ស្លាប់ ខណ:ដែលកំពុងដើររើសអេតចាយនៅតាមចិញ្ចើមផ្លូវ ត្រូវរថយន្ត២គ្រឿងបើកវ៉ាជែងគ្នាបុកហើយរថយន្តខាងលើបានបើករត់គេចពីកន្លែងហេតុ ត្រូវសមត្ថកិច្ចឃាត់បានភ្លាមៗ។ បន្ទាប់ពីទទួលដំណឹងថាកូនស្រីស្លាប់បានលឺដល់ម្តាយកំពុងតែឈឺពោះឆ្លងទន្លេកូនតូចមួយទៀតម្តាយក៏សន្លប់បាត់ស្មារតី៕