កំពុងមើលទូរទស្សន៍សុខៗ ស្រាប់តែពស់១ក្បាលបន្លឺសម្លេងយ៉ាងរន្ធត់ និងពុំនឹកស្មានដល់បង្ករការភ្ញាក់ផ្អើលយ៉ាងខ្លាំង
យោងតាម Daily Mail លោក Somchai Subdang អាយុ ៤៥ ឆ្នាំ ខណៈកំពុងមើលទូរទស្សន៍ នៅរសៀលថ្ងៃអង្គារ នៅពេលនោះ ស្រាប់តែគាត់បានលឺសម្លេងចម្លែក ចេញពីពិដានកុងផ្លាកេ ។ គាត់យកត្រចៀក ដើរស្តាប់តាមជញ្ជាំងផ្ទះ ដើម្បីស្វែងរកសម្លេងអ្វីមួយនោះ ។
គាត់និយាយថា គាត់ភ័យលោតជើងបីជើងបួន នៅពេលលឺសម្លេងកាន់តែរំខាន ចេញពីក្នុងកន្លែងពិដាន ។
លោក Subdang បន្ទាប់មក បានហៅក្រុមសង្គ្រោះ ដើម្បីជួយអន្តរាគមន៍ ។ ពួកគេបានប្រើញញួរវាយទម្លុះជញ្ជាំងពិដាន ទីកន្លែងពស់ថ្លាន់ដ៏ធំ កំពុងសម្ងំលាក់ខ្លួន ។
Subdang និយាយថា៖ «ខ្ញុំពុំខ្លាចពស់នេះទេ នៅពេលដឹងថាវាកំពុងស្ថិតនៅទីនេះ ប៉ុន្តែ វាអាចបង្កការភ័យខ្លាចបាន ប្រសិនវាលូនចូលពិដាន និងទម្លាក់ចុះមកលើខ្ញុំ ខណៈខ្ញុំកំពុងគេង» ។
«ខ្ញុំពិតជាខកចិត្តជាខ្លាំង ព្រោះតែខ្ញុំនឹងត្រូវជួសជុលផ្ទះឥឡូវនេះ ។ ប៉ុន្តែ នោះជារឿងល្អប្រសើរជាង ដែលមានពស់កំពុងលាក់ខ្លួននៅក្នុងផ្ទះ» ៕
Comments
Post a Comment