ហេង នរៈកក្កដា នឹកឃើញតែឈ្មោះម៉ែ កូនមិនដឹងថានិយាយមិចទេ.......

ភ្នំពេញ៖  តារាសម្ដែង និងតារាបង្ហាញម៉ូដដែលល្បីឈ្មោះ លោក ហេង នរៈកក្កដា  បានធ្វើឲ្យមហាជនជាច្រើន កើតក្ដីអាណិតអាសូរ រូបលោកជាខ្លាំង ព្រោះតែភ្លាមៗត្រូវបាត់បង់អ្នកម្ដាយ​ ស្រលាញ់ យ៉ាងឆាប់រហ័សបែបនេះ។

ជាក់ស្តែង នៅពីក្រោយ នៃការស្លាប់នេះ លោក ហេង នរៈកក្កដា  តាមរយៈសារ ដែលលោកបានបង្ហោះលើគណនីហ្វេសប៊ុក ផ្លូវការរបស់ខ្លួន ដោយធ្វើឲ្យទស្សនិកជន និងអ្នកគាំទ្រជាច្រើន មានការភ្ញាក់ផ្អើលជាខ្លាំង។ក្នុងនោះលោកបានរៀបរាប់ទាំងតក់ស្លុតថា៖ «ការស្លាប់របស់ម៉ាក់ខ្ញុំ គឺពាក់ព័ន្ធនឹងផ្លូវងងឹត បើមានពេលវេលាខ្ញុំនឹងបកស្រាយ» ។គ្រាន់តែបានស្តាប់ សារដ៏ខ្លីនេះភ្លាម ក៏មានប្រិយមិត្តនិងអ្នកគាំទ្ររបស់លោក មិនតិចនោះទេ មានចម្ងល់ក្នុងចិត្ត ជាពិសេសម្នាក់ៗកំពុងតែអន្ទះសា រង់ចាំការបកស្រាយ ពីតារាសម្ដែងរូបនេះ ឲ្យបានដឹងកាន់តែច្បាស់ អំពីមូលហេតុនៃការស្លាប់របស់ម្តាយគាត់ឲ្យពិតប្រាកដ ។